పని వత్తిడితో సాఫ్ట్ వేర్ మహిళ ఆత్మహత్య

హైదరాబాద్‌: సాఫ్ట్‌ వేర్‌ కంపెనీలో పని వత్తిడి ఓ ఉద్యోగి ప్రాణం తీసింది. ఆమె ఒంటిపై కిరోసిన్‌ పోసుకొని ఆత్మహత్య చేసుకుంది. రాధిక అనే యువతి బెల్‌ కంపెనీలో పని చేస్తోంది. ఆమె భర్త సత్యం కంప్యూటర్స్‌లో ఉద్యోగి. ఇద్దరికీ పనివత్తిడే. పరిమితిలేని పని గంటలతో విపరీతంగా పని చేయడం వల్ల జీవితం యాత్రికంగా తయారయింది.

భర్తతో, పిల్లలతో గడపటానికి రాధికకు సమయం లేదు. దీంతో ఆమెకు జీవితం మీద విరక్తి కలిగింది. ఒంటిపై కిరోసిన్‌ పోసుకొని ఆత్మహత్య చేసుకుంది. తన ఆత్మహత్యు ఇతర కారణాలు ఏమీలేవని, పని ఒత్తిడి తట్టుకోలేకే తాను ఆత్మహత్య చేసుకున్నట్లు రాధిక తన ఆత్మహత్య నోట్‌లో పేర్కొంది.