విజయవాడలో 60 కోట్ల ఫైనాన్స్ మోసం

విజయవాడ: విజయవాడలో మరో ఘరానా మోసం బయటపడింది. ఉమా హాలిడే రిసార్ట్స్‌, చిట్స్‌ పేరిట యజమాని ఉమా మహేశ్వరరావు సుమారు రూ.60కోట్లకుపైగా ఖాతాదారులకు టోకరా ఇచ్చాడు. ఉమా హాలిడే రిసార్ట్స్‌, చిట్స్‌ఫండ్‌ కంపెనీలు బోర్డు తిప్పేయటంతో బాధితులు ఆందోళనకు దిగారు.

ఉమా మహేశ్వరరావును ఇప్పటికే సత్యనారాయణపురం పోలీసులు రాత్రి అదుపులోకి తీసుకుని రహ్యసంగా విచారణ చేస్తున్నట్లు సమాచారం. కాగా ఉమామహేశ్వరరావు కవి సామ్రాట్‌ విశ్వనాథ సత్యనారాయణకు స్వయాన అల్లుడినని పరిచయం చేసుకుని పెద్దమొత్తంలో డిపాజిట్లు సేకరించాడు.