సీనియర్ ఇంటర్ విద్యార్థి ఆత్మహత్య

నెల్లూరు: నెల్లూరు జిల్లాలో సీనియర్ ఇంటర్ విద్యార్థి ఆత్మహత్య సోమవారం తీవ్ర విషాదం కలిగించింది. నెల్లూరు జిల్లా పిడతా పోలూరులోని నారాయణ కళాశాల హాస్టల్లో మల్లికార్జున్ అనే సీనియర్ విద్యార్థి ఆత్మహత్య చేసుకున్నాడు. అతని ఆత్మహత్యకు కచ్చితమైన కారణమేదీ తెలియడం లేదు. అయితే మానసిక ఒత్తిడే ఆత్మహత్యకు కారణమై ఉండవచ్చునని అనుమానిస్తున్నారు.

మల్లికార్జున్ ఇప్పటి వరకు రాసిన పరీక్షల్లో రెండు బాగా రాలేదని అంటున్నారు. మరో మూడు పరీక్షలు రాయాల్సి ఉంది. ఈ మూడు పరీక్షలు ఎలా రాస్తానో అనే ఆందోళనకు అతను గురైనట్లు చెబుతున్నారు. ఈ మానసిక ఒత్తిడి కారణంగానే అతను ఆత్మహత్య చేసుకుని ఉంటాడని అనుమనిస్తున్నారు. విషయాన్ని ఉదయగిరిలోని తల్లిదండ్రులకు తెలియజేశారు. వారు రావాల్సి ఉంది.