బెంగుళూరులో ఆర్మీ క్యాంటీన్ లో చెలరేగిన మంటలు

బెంగుళూరు: కోల్ కత్తాలోని పార్క్ స్ట్రీట్ లోని ఓ భవంతిలో మంటలు చెలరేగిన విషయం కలవరపరుస్తుంటే, మరో వైపు ఉధ్యాననగరి బెంగుళూరులో కూడా అగ్ని ప్రమాదం సంభవించింది. ఇప్పటి వరకూ అందిన సమాచారం ప్రకారం బెంగుళూరులోని ప్రముఖ ఎంజి రోడ్ నందు గల ఆర్మీ క్యాంటీన్ లో ఈ అగ్ని ప్రమాదం సంభవించింది. ఈ క్యాంటీన్ ఎంజి రోడ్డు సమీపంలోని ట్రినిటీ సర్కిల్ నందు గల సిలికాన్ సిటీలో కేంద్రీకృతమైవుంది.

గత నెలలో బెంగుళూరు పాత ఎయిర్ పోర్ట్ రోడ్డు నందు జరిగిన అగ్ని ప్రమాదంతో ఉలిక్కిపడ్డ ఫైర్ డిపార్ట్ మెంట్ వారు వెంటనే స్పందించి 14 ఫైర్ ఇంజన్లతో మంటలను ఆర్పడానికి ప్రయత్నిస్తున్నారు. ఈ ప్రమాదానికి గల కారణాలు తెలియాల్సి వుంది.