సీతారాములకు సిఎం పట్టు వస్త్రాలు

భద్రాచలం: సీతారాముల కళ్యాణం సందర్భంగా ముఖ్యమంత్రి కె రోశయ్య రాష్ట్ర ప్రభుత్వం తరఫున బుధవారం పట్టువస్త్రాలు, పట్టు వస్త్రాలు సమర్పించారు. ముఖ్యమంత్రితో పాటు దేవాదాయ శాఖ మంత్రి గాదె వెంకటరెడ్డి, మంత్రులు దామోదర రాజనరసింహ, గల్లా అరుణకుమారి ఉన్నారు. పలువురు శాసనసభ్యులు, పార్లమెంటు సభ్యులు హాజరయ్యారు.

భద్రాచలం శ్రీసీతారామ చంద్రస్వామి దేవస్థానం ఆధ్వర్యంలో సీతారాముల కళ్యాణం కన్నుల పండుగగా జరిగింది. లక్షలాది భక్తుల రామస్మరణ మధ్య కళ్యాభిరాముడు సీతమ్మ మెడలో తాళి కట్టాడు. సీతారాముల కళ్యాణం వైభవంగా జరిగింది. ప్రముఖుల రాక సందర్భంగా సాధారణ భక్తులకు కొంత ఇబ్బంది కలిగింది. భక్తులు తీవ్ర నిరాశకు గురయ్యారు. సౌకర్యాలు సరిగా లేవని వారు ఫిర్యాదు చేశారు.