రామోజీవన్నీ మాపై నిందలే: రవీంద్రనాథ్

కడప: మార్గదర్శిపై కాంగ్రెసు పార్లమెంటు సభ్యుడు ఉండవల్లి అరుణ్ కుమార్ చేసిన ఆరోపణలకు సమాధానం చెప్పుకోలేక ఈనాడు యాజమాన్యం తమపై నిందలు వేస్తోందని కడప మేయర్ రవీంద్రనాథ్ రెడ్డి అన్నారు. కర్నూలు జిల్లాలో రైతులకు తెలియకుండా కొంత మంది భూములు లీజుకు తీసుకున్నారనే రామోజీరావు నేతృత్వంలోని ఈనాడు దినపత్రికలో వార్తాకథనం రావడాన్ని ఆయన బుధవారం మీడియా ప్రతినిధుల సమావేశంలో తప్పు పట్టారు.

కర్నూలు జిల్లా భూముల లీజు వ్యవహారంలో తనకు ఎలాంటి సంబంధం లేదని ఆయన స్పష్టం చేశారు. ఈనాడు దినపత్రిక తన వివరణను ప్రచురించకపోవడం జర్నలిజం విలువలకు విరుద్దమని ఆయన అబిప్రాయపడ్డారు. ఈ విషయంలో తాను ఈనాడు యాజమాన్యానికి తాను లీగల్ నోటీసు ఇస్తానని ఆయన చెప్పారు.