జెఎసితో కలిసి పని చేయం: ఎర్రబెల్లి

హైదరాబాద్: ప్రొఫెసర్ కోదండరామ్ నేతృత్వంలోని తెలంగాణ ఐక్య కార్యాచరణ కమిటీ (జెఎసి)లో పని చేసేది లేదని తెలుగుదేశం తెలంగాణ నాయకుడు ఎర్రబెల్లి దయాకర రావు స్పష్టం చేశారు. తెలంగాణ రాష్ట్ర సమితి (తెరాస) తెలంగాణవాదులందరినీ కలుపుకుని పోతే బాగుంటుందని ఆయన గురువారం మీడియా ప్రతినిధుల సమావేశంలో అన్నారు. శాసనసభ ఉప ఎన్నికల్లో ఎవరూ పోటీ చేయకుండా కేంద్రం దిగొచ్చేలా చేయాలని ఆయన అన్నారు. ఎవరు పోటీ చేస్తారో రండంటూ తెరాస నేతలు సవాళ్లు విసరడం సరైన పద్ధతి కాదని ఆయన అభిప్రాయపడ్డారు.

తెలుగుదేశం పార్టీ అధ్యక్షుడు నారా చంద్రబాబును నిలదీయడానికి ప్రయత్నించిన తెలంగాణ న్యాయవాదులపై తెలుగుదేశం పార్టీ కార్యకర్తలు దాడి చేసిన నేపథ్యంలో జెఎసి ఆ పార్టీని జెఎసి తొలగించింది. తదితర కారణాలతో కూడా తెలుగుదేశం పార్టీని జెఎసి పక్కకు తప్పించింది.