చిరు బ్లడ్ బ్యాంక్ కు ఫ్యాన్స్ తాకిడి

హైదరాబాద్: ప్రజారాజ్యం అధినేత చిరంజీవి హైదరాబాద్ లోని జూబిలీహిల్స్ లో గల చిరంజీవి రక్తనిధి కేంద్రానికి అభిమానులు శనివారం వెల్లువలా వచ్చి పడ్డారు. చిరంజీవి తనయుడు, సినీ నటుడు రామ్ చరణ్ తేజ జన్మదినం కావడంతో అభిమానులు పెద్ద యెత్తున తరలి వచ్చారు. జన్మ దిన వేడుకలకు అభిమానులు అన్ని ఏర్పాట్లు చేశారు.

అయితే రామ్ చరణ్ తేజ అందుబాటులో లేరు. ఆయన ఆస్ట్రేలియాలో షూటింగ్ లో ఉన్నారు. దీంతో అల్లు అరవింద్, అల్లు అర్జున్ ఈ కార్యక్రమానికి హాజరయ్యారు. అల్లు అర్జున్ కేక్ కట్ చేశారు. రక్తదానం చేసి రక్తదాన శిబిరాన్ని ప్రారంభించారు.