మా మధ్య గొడవ జరగలేదు: గండ్ర

హైదరాబాద్: తనకూ తమ సహచర శాసనసభ్యుడు కిచ్చెన్నగారి లక్ష్మారెడ్డికీ మధ్య ఏ విధమైన గొడవ జరగలేదని కాంగ్రెసు శాసనసభ్యుడు గండ్ర వెంకట రమణారెడ్డి స్పష్టం చేశారు. తమ మధ్య గొడవ జరిగినట్లు వచ్చిన వార్తల్లో నిజం లేదని ఆయన శనివారం మీడియా ప్రతినిధులతో చెప్పారు. సంతకాల సేకరణ వల్ల మంత్రి పదవులు రావని తాను చెప్పినట్లు ఆయన తెలిపారు. మీడియాలో వచ్చిన వార్తలపై తనను లక్ష్మారెడ్డి అడిగారని ఆయన చెప్పారు.

మంత్రి పదవుల కోసం సంతకాల సేకరణ అవసరం లేదని, సంతకాల సేకరణ వల్ల ప్రయోజనమేమీ ఉండదని తాను లక్ష్మారెడ్డితో చెప్పినట్లు ఆయన తెలిపారు. ముందు కాంగ్రెసు గురించి తెలుసుకోవాలని తాను సూచించానని ఆయన అన్నారు. గొడవేమీ జరగలేదని కిచ్చెన్నగారి లక్ష్మారెడ్డి కూడా చెప్పారు.