రాజకీయాల నుంచి తప్పుకుంటాం: నాగం

హైదరాబాద్: జాతీయ ఉపాధి హామీ పథకంలో అక్రమాలు జరగలేదని రుజువు చేస్తే తామంతా రాజకీయాల నుంచి తప్పుకుంటామని తెలుగుదేశం పార్టీ సీనియర్ శాసనసభ్యుడు నాగం జనార్దన్ రెడ్డి సవాల్ చేశారు. ఎక్కడైనా, ఏ గ్రామంలోనైనా ఉపాధి హామీ పథకం అమలులో అక్రమాలు జరగలేదని కాంగ్రెసు నిరూపిస్తే రాజీనామాలు చేస్తామని ఆయన శనివారం మీడియా ప్రతినిధుల సమావేశంలో అన్నారు.

జాతీయ ఉపాధి హామీ పథకం అమలులో ఎక్కడా లేని విధంగా మన రాష్ట్రంలో ఎక్కువ అవినీతి జరిగిందని ఆయన ఆరోపించారు. దేశంలో ఎక్కడ లేనంతగా అవినీతి మన రాష్ట్రంలో జరిగితే సిగ్గు, ఎగ్గు లేకుండా మంత్రి సమర్థించుకుంటున్నారని ఆయన వ్యాఖ్యానించారు.