ముస్లిం కోటా మా ఘనతే: రోశయ్య

హైదరాబాద్: ముస్లిం రిజర్వేషన్ల విషయంలో తమ ప్రభుత్వం నిజాయితీతో కృషి చేసిందని, ఈ కృషి వల్లనే సుప్రీంకోర్టు రిజర్వేషన్లకు అనుకూలంగా మధ్యంతర ఉత్తర్వులు జారీ చేసిందని ముఖ్యమంత్రి కె. రోశయ్య అన్నారు. మైనారిటీల అభివృద్ధికి తమ ప్రభుత్వం చిత్తశుద్ధితో పనిచేస్తోందని ఆయన అన్నారు. సుప్రీంకోర్టు ఉత్తర్వుల వల్ల ఈ ఏడాది 11 వేల మంది ముస్లిం విద్యార్థులకు ప్రయోజనం చేకూరుతుందని ఆయన శనివారం శాసనసభలో అన్నారు. ప్రభుత్వ ఉద్యోగాల్లోనూ మైనారిటీలకు నాలుగు శాతం రిజర్వేషన్లుంటాయని ఆయన చెప్పారు.

ముస్లిం రిజర్వేషన్లకు అనుమతి ఇస్తూ సుప్రీంకోర్టు మధ్యంతర ఉత్తర్వులు జారీ చేసిన నేపథ్యంలో శాసనసభలో దానిపై చర్చ జరిగింది. ముస్లిం రిజర్వేషన్ల కోసం ప్రభుత్వం చిత్తుశుద్ధితో కృషి చేసినందుకు మజ్లీస్ శానససభ్యుడు అక్బరుద్దీన్ ఓవైసీ కృతజ్ఢతలు తెలిపారు. ముస్లిం రిజర్వేషన్లను పది శాతానికి పెంచాలని, చట్టసభల్లో కూడా ముస్లింలకు రిజర్వేషన్లు కల్పించాలని ప్రతిపక్ష నేత చంద్రబాబు నాయుడు అభిప్రాయపడ్డారు. ముస్లిం రిజర్వేషన్లకు సభ మద్దతు తెలిపింది.