అసెంబ్లీ వద్ద తెలంగాణవాది ఆత్మహత్యా యత్నం

హైదరాబాద్: శాసనసభ ఒకటో గేటు వద్ద ఉన్న బారికేడ్ల వద్ద ఓ యువకుడు మంగళవారం ఆత్మహత్యా యత్నానికి పాల్పడ్డాడు. జై తెలంగాణ నినాదాలు చేస్తూ అతను ఈ ప్రయత్నం చేశాడు. చంద్ర అనే ఆటో డ్రైవర్ ఒంటిపై కిరోసిన్ పోసుకుని ఆత్యహత్య చేసుకునేందుకు ప్రయత్నించాడు. దీంతో అక్కడ ఉద్రిక్త పరిస్థితి చోటు చేసుకుంది.

ఆత్మహత్యా యత్నానికి పాల్పడుతున్న చంద్రను పోలీసులు అదుపులోకి తీసుకుని సైఫాబాద్ పోలీసు స్టేషన్ కు తరలించారు. ఆత్మహత్యల వల్ల లాభం ఉండదని చెప్పినా చంద్ర వినిపించుకోలేదు. చంద్ర మానసిక స్థితిపై పోలీసులు పరిశీలన చేస్తున్నారు.