పార్టీ చీఫ్ పదవికి పోటీ చేస్తా: అళగిరి

చెన్నై: తమిళనాడు ముఖ్యమంత్రి, డిఎంకె అధినేత కరుణానిధి వారసత్వంపై పోరు సాగుతూనే ఉన్నది. తన తండ్రి కరుణానిధిని తప్ప మరొకరిని పార్టీ అధినేతగా అంగీకరించే ప్రసక్తి లేదని కరుణానిధి పెద్ద కుమారుడు, కేంద్ర మంత్రి అళగిరి స్పష్టం చేశారు. ప్రజాస్వామ్య పద్ధతిలో ఎన్నికైన నాయకుడిని మాత్రమే తాను అంగీకరిస్తానని, తన ఆత్మప్రబోధం మేరకు తాను మాట్లాడానని, చెప్పదలుచుకున్న విషయాన్ని చెప్పే హక్కు తనకు ఉందని ఆయన గురువారం అన్నారు. పార్టీ అధ్యక్ష పదవికి తాను పోటీ చేస్తానని ఆయన చెప్పారు.

కరుణానిధి జీవించి ఉండగా ఇదంతా మాట్లాడాల్సిన అవసరం ఏం ఉందని ఆయన అన్నారు. కరుణానిధి చిన్న కుమారుడు స్టాలిన్ కు, అళగిరికి మధ్య వారసత్వంపై పోరు జరుగుతోంది. ఈ పోరుకు స్వస్తి చెప్పడానికి నాయకుడిని పార్టీ నిర్ణయిస్తుందని, నాయకుడిని నిర్ణయించే అధికారం తనకు కూడా లేదని కరుణానిధి బుధవారంనాడు అన్నారు. కరుణానిధిని మాత్రమే తాను నాయకుడిగా అంగీకరిస్తానని అళగిరి ఇంతకు ముందు అన్నారు.