మోడీని విచారించే అవకాశం: నానావతి

గాంధీనగర్: గుజరాత్ అల్లర్ల కేసుల్లో గుజరాత్ ముఖ్యమంత్రి నరేంద్ర మోడీని విచారించకూడదని గతంలో తీసుకున్నది తుది నిర్ణయం కాదని నానావతి గురువారం హైకోర్టుకు తెలిపింది. గుజరాత్ అల్లర్లపై నానావతి కమిషన్ విచారణ జరుపుతోంది. మోడీని విచారించకూడదని తాము గతంలో తీసుకున్నది తుది నిర్ణయం కాదంటూ నానావతి కమిషన్ హైకోర్టుకు ఒక లేఖ రాసింది.

అవసరమైతే మోడీని సమన్లు జారీ చేసే వెసులుబాటును నానావతి కమిషన్ కల్పించుకుంటోంది. గుజరాత్ అల్లర్ల కేసులో మోడీ సుప్రీంకోర్టు నియమించిన ప్రత్యేక దర్యాప్తు బృందం (సిట్) ఎదుట ఇటీవల విచారణ నిమిత్తం హాజరయ్యారు. నానావతి కమిషన్ 2009 సెప్టెంబర్ 18వ తేదీ నరేంద్రమోడీకి క్లీన్ చిట్ ఇచ్చింది. మోడీకి గానీ, ఆయన మంత్రి వర్గ సభ్యులకు గానీ అల్లర్లతో సంబంధాలున్నట్లు ఆధారాలు లేవని చెప్పింది.