పాతబస్తీలో మండుతున్న ధరలు

హైదరాబాద్: అల్లర్లు చెలరేగిన హైదరాబాద్ పాతబస్తీలో నిత్యావసర సరుకుల ధరలు ఆకాశాన్నంటాయి. కర్ఫ్యూ సడలించిన సమయాల్లో ప్రజలు పెద్ద యెత్తున ప్రజలు వీధుల్లోకి వచ్చి దుకాణాల వద్ద బారులు తీరారు. అయితే ధరలు చూసి బెంబేలెత్తుతున్నారు. ధరలు పెంచి అమ్మేవారిపై చర్యలు తీసుకుంటామని ప్రభుత్వం ప్రకటించినప్పటికీ లాభం లేకుండా పోయింది. లీటరు పాల ధర 80 నుంచి 100 రూపాయల వరకు పలుకుతోంది. ఒక్కో కోడి గుడ్డు ధర తొమ్మిది రూపాయలకు చేరింది. కూరగాయలు కిలోకు 50 రూపాయల దాకా పలుకుతున్నాయి.

కాగా, పాతబస్తీలో పరిస్థితి దారుణంగా ఉంది. మృతదేహంతో శ్మశానానికి బంధువులు కూడా వెళ్లలేని స్థితి ఉంది. పోలీసులు శవం వెంట బంధువులను అనుమతించలేదు. దీంతో నలుగురంటే నలుగురే పాడెను మోసుకుని వెళ్తున్న దృశ్యం స్థానిక టీవీ చానెల్ లో ప్రసారమైంది. పాతబస్తీలో పరిస్థితి ప్రశాంతంగా ఉంది. కర్ఫ్యూ సడలించిన సమయాల్లో ఏ విధమైన అవాంఛనీయ సంఘటనలు జరగలేదు.