ఢిల్లీ ఐటి కార్యాలయంలో అగ్ని ప్రమాదం

న్యూఢిల్లీ: ఢిల్లీలోని ఆదాయం పన్ను శాఖ కార్యాలయంలో శుక్రవారం ఉదయం అగ్నిప్రమాదం సంభవించింది. ఈ ప్రమాదంలో ఏడుగురు కూలీలు గాయపడ్డారు. శుక్రవారం ఉదయం 11 గంటల 15 నిమిషాల ప్రాంతంలో డి - ఆకారంలో గల భవనంలో అగ్ని ప్రమాదం సంభవించింది. ఆ సమయంలో కూలీలు కలప పని చేస్తున్నారు.

సమాచారం అందుకున్న వెంటనే 16 ఫైర్ టెండర్స్ సంఘటనా స్థలానికి చేరుకున్నాయి. కూలీలను సురక్షితంగా బయటకు తీశారు. వారు స్వల్పంగా గాయపడినట్లు అధికారులు చెప్పారు. మంటలను అదుపు చేశారు. అగ్ని ప్రమాదానికి కారణాలు తెలియరాలేదు.