నా తొలి ప్రాధాన్యం సమైక్యాంధ్ర: జెసి దివాకర్ రెడ్డి

హైదరాబాద్: తన తొలి ప్రాధాన్యం సమైక్యాంధ్రప్రదేశ్ అని కాంగ్రెసు రాయలసీమ శాసనసభ్యుడు జెసి దివాకర్ రెడ్డి అన్నారు. తాను సమైక్యవాదినని ఆయన శుక్రవారం మీడియా ప్రతినిధులతో అన్నారు. రాష్ట్ర విభజన అనివార్యమైతే తాను రాయల తెలంగాణను కోరుకుంటానని ఆయన చెప్పారు. రాయలసీమ, తెలంగాణలతో కూడిన రాయల తెలంగాణకు తాను రెండో ప్రాధాన్యం ఇస్తానని ఆయన చెప్పారు.

తాను హోం మంత్రి ప్రకటనను ఖండించబోనని ఆయన చెప్పారు. హైదరాబాద్ అల్లర్లలో బయటి వ్యక్తుల ప్రమేయం ఉందని ఆయన మరోసారి ఆరోపించారు. పోలీసులు అరెస్టు చేసినవారిని చూస్తే ఆ విషయం అర్థమవుతుందని ఆయన చెప్పారు. ఈ విషయంపై సమగ్ర విచారణ జరిపించాలని ఆయన ప్రభుత్వాన్ని కోరారు.