వేర్పాటువాదుల వల్లనే ఆత్మహత్యలు: లగడపాటి

న్యూఢిల్లీ: వేర్పాటువాదుల విషప్రచారం వల్లనే ఎంతో మంది యువకులు, విద్యార్థులు ఆత్మహత్యలు చేసుకున్నారని కాంగ్రెసు విజయవాడ పార్లమెంటు సభ్యుడు లగడపాటి రాజగోపాల్ ఆరోపించారు. రాష్ట్ర పరిస్థితిపై ఏర్పడిన జస్టిస్ శ్రీకృష్ణ కమిటీకి ఆయన శుక్రవారం ఆరో నివేదికను అందజేశారు. ఇప్పటి వరకు ఏ తెలంగాణ నాయకుడు గానీ తెలంగాణ నాయకుల కుటుంబ సభ్యులు గానీ ఆత్మహత్యలకు పాల్పడలేదని ఆయన మీడియా ప్రతినిధులతో అన్నారు.

తెలంగాణ ఏర్పడితే కొత్త ఉద్యోగావకాశాలు రావని ఆయన అన్నారు. తెలంగాణ ఏర్పడితే కొత్తగా ఉద్యోగావకాశాలు వస్తాయని తెలంగాణ వేర్పాటువాదులు దుష్ప్చచారం చేస్తున్నారని, దాని వల్లనే తెలంగాణ విద్యార్థులు, యువకులు ఆత్మహత్యలు చేసుకుంటున్నారని ఆయన అన్నారు.