ఎంబిఎ గ్రాడ్యుయేట్ పై గ్యాంగ్ రేప్

పూణే: పాతికేళ్ల వివాహితపై పూణేలో సామూహిక అత్యాచారం జరిగినట్లు పోలీసులు శుక్రవారం తెలిపారు. ఆమెతో పాటు టాక్సీలో ప్రయాణిస్తున్నవారే ఈ ఘాతుకానికి పాల్పడినట్లు వారు చెప్పారు. ఆ మహిళ హాస్పిటాలిటీ మేనేజ్ మెంట్ లో ఎంబిఎ చేసింది. వాకాడ్ ప్రాంతంలో ఇంటర్వ్యూ కోసం బయలుదేరినప్పుడు ఆ సంఘటన జరిగింది.

ఆమెతో పాటు టాక్సీలో ప్రయాణిస్తున్న ముగ్గురు వ్యక్తులు ఆమెపై అత్యాచారానికి పాల్పడినట్లు పోలీసులు చెప్పారు. ఈ సంఘటన గురువారం రాత్రి జరిగింది. ఈ కేసులో ఇద్దరు అనుమానితులను అదుపులోకి తీసుకున్నారు. వారిని పోలీసులు విచారిస్తున్నారు. వైద్య పరీక్షల నివేదిక రావాల్సి ఉంది.