హిందూ ముస్లింల శాంతి ర్యాలీ

హైదరాబాద్: రాష్ట్ర రాజధాని హైదరాబాదులోని శాంతి నెలకొనాలని కోరుతూ నగరంలోని మలక్ పేటలో హిందువులు ముస్లింలు శుక్రవారం శాంతి ర్యాలీ నిర్వహించారు. హిందువులు, ముస్లింలు ఈ ర్యాలీలో పెద్ద యెత్తున పాల్గొన్నారు. మత విద్వేషాలు మాని సోదర భావంతో మెలగాలని వారు విజ్ఞప్తి చేశారు. హిందూ ముస్లిం భాయి భాయి అని నినాదాలు చేస్తూ సర్వమత సమానత్వాన్ని చాటారు.

గత పదిహేనేళ్లుగా శాంతియుతంగా ఉన్న నగరంలో ఇప్పుడు అలజడి చెలరేగడం దురదృష్టకరమని వారన్నారు. అందరూ సంయమనం పాటించాలని వారు కోరారు. శాంతి ర్యాలీకి పోలీసుల మద్దతు ఉంటుందని హైదరాబాదులోని చాదర్ ఘాట్ సర్కిల్ ఇన్ స్పెక్టర్ శ్రీనివాస్ తెలిపారు.