త్వరలో రాష్ట్ర రాజకీయాల్లోకి: జయప్రద

తిరుపతి: త్వరలో తాను రాష్ట్ర రాజకీయాల్లోకి వచ్చే అవకాశం ఉందని సినీ నటి, సమాజ్ వాదీ పార్టీ బహిష్కృత పార్లమెంటు సభ్యురాలు జయప్రద చెప్పారు. ఆమె శనివారం తిరుమల శ్రీవెంకటేశ్వర స్వామిని దర్సించుకున్నారు. తన పుట్టిన రోజు సందర్భంగా ఆమె తిరుమలకు వచ్చారు. తాను ఎక్కడ ఉన్నా ఆంధ్రప్రదేశ్ పై అభిమానం ఉందని ఆమె మీడియా ప్రతినిధులతో అన్నారు.

కాగా, బహిష్కృత నేత అమర్ సింగ్ ను బలపరిచినందుకు సమాజ్ వాదీ పార్టీ నాయకత్వం జయప్రదను కూడా పార్టీ నుంచి బహిష్కరించింది. ఆమె ఉత్తరప్రదేశ్ లోని రాంపూర్ నుంచి లోకసభకు ఎన్నికయ్యారు. సమాజ్ వాదీ పార్టీ నుంచి బహిష్కరణకు గురైన జయప్రద తెలుగుదేశం పార్టీలో చేరుతారని కూడా ఇంతకు ముందు ప్రచారం జరిగింది.