కర్ఫ్యూ సడలింపు: పాతబస్తీలో సందడి

హైదరాబాద్: హైదరాబాద్ పాతబస్తీలో మళ్లీ ప్రజల సందడి చోటు చేసుకుంది. సోమవారం ఉదయం ప్రజలు పెద్ద యెత్తున వీధుల్లోకి వచ్చి తమ తమ కార్యకలాపాల్లో మునిగిపోయారు. హైదరాబాదులోని 25 పోలీసు స్టేషన్ల పరిధిలో విధించిన కర్ఫ్యూను పగటి పూట ఎత్తేసినట్లు హైదరాబాద్ నగర పోలీసు కమిషనర్ ఎకె ఖాన్ చెప్పారు. ఉదయం 8 గంటల నుంచి సాయంత్రం 5 గంటల వరకు కర్ప్యూ సడలింపు అమలులో ఉంటుంది.

కాగా, ఆ 25 పోలీసు స్టేషన్ల పరిధిలోనూ రాత్రిపూట కర్ఫ్యూ కొనసాగుతుంది. ఇటీవలి సంఘటనల నేపథ్యంలో రాత్రి 11 గంటల నుంచి ఉదయం 6 గంటల వరకు ద్విచక్ర వాహనాలపై ఇద్దరు కలిసి తిరగడాన్ని పోలీసులు నిషేధించారు. అల్లర్ల నేపధ్యంలో హైదరాబాదులోని 25 పోలీసు స్టేషన్ల పరిధిల్లో పోలీసులు ఇటీవల కర్ఫ్యూ విధించిన విషయం తెలిసిందే.