వచ్చే నెల చిరంజీవి బస్సు యాత్ర

రాజమండ్రి: పోలవరం ప్రాజెక్టుకు జాతీయ హోదాను డిమాండ్ చేస్తూ వచ్చే నెలలో ప్రజారాజ్యం పార్టీ అధినేత చిరంజీవి బస్సు యాత్ర నిర్వహించనున్నారు. వచ్చే నెల మొదటి వారంలో ఈ బస్సు యాత్ర ఉంటుంది. ప్రకాశం, గుంటూరు, కృష్ణా, ఉభయ గోదావరి, విశాఖపట్నం జిల్లాల్లో ఆయన పర్యటిస్తారు. అంతే కాకుండా సుజల స్రవంతి సాధన కోసం శ్రీకాకుళం, విజయనగరం జిల్లాల్లో కూడా చిరంజీవి బస్సు యాత్ర చేపడతారని ప్రజారాజ్యం పార్టీ నాయకులు చెప్పారు.

పోలవరం ప్రాజెక్టుకు వెంటనే జాతీయ హోదా కల్పించాలని ప్రజారాజ్యం పార్టీ కేంద్ర ప్రభుత్వాన్ని డిమాండ్ చేసింది. తమ డిమాండ్ సాధన కోసం ప్రజారాజ్యం పార్టీ నెల రోజుల ఉద్యమ కార్యక్రమాన్ని సిద్ధం చేసింది. పోలవరం ప్రాజెక్టుకు జాతీయ హోదా కల్పించాలని డిమాండ్ చేస్తూ సోమవారం ఏర్పాటు చేసిన సదస్సుకు ఆరు జిల్లాల నుంచి రైతులు, రైతు ప్రతినిధులు వచ్చారు. ఈ సదస్సుకు పార్టీ శాసనసభ్యులు, మాజీ మంత్రులు వచ్చారు.