మావోయిస్టులకు విదేశీ ఆయుధాలు: చిదంబరం

న్యూఢిల్లీ: మావోయిస్టులు విదేశాల నుంచి ఆయుధాలు పొందుతున్నారని కేంద్ర హోం మంత్రి పి. చిదంబరం ఆరోపించారు. సీమాంతర బజార్లు ఉన్నాయని, ఈశాన్య తిరుగుబాటుదారులు పొందుతున్నట్లుగానే మావోయిస్టులు కూడా అక్కడి నుంచి ఆయుధాలు పొందే అవకాశాలున్నాయని ఆయన అన్నారు. ఆయుధాలు అమ్మే ప్రదేశాలు సరిహద్దుల వెలుపల చాలా ఉన్నాయని, గూగుల్ సెర్చ్ లోకి వెళ్తే వాటిని గమనించవచ్చునని ఆయన అన్నారు.

నేపాల్, బంగ్లాదేశ్, మయన్మార్ ల నుంచి మనం ఓపెన్ బోర్డర్ ను పంచుకుంటున్నామని, ఈ దారుల వెంట ఆయుధాలను స్మగుల్ చేసే అవకాశం ఉందని ఆయన అన్నారు. దంతెవాడలో భద్రతా బలగాలపై జరిగిన దారుణమైన దాడికి సంబంధించిన లోపాలను పరిశీలిస్తున్నట్లు ఆయన తెలిపారు. లోపాలపై, తప్పులపై సమగ్ర విచారణ జరిపిస్తామని ఆయన చెప్పారు.