సమస్యల పరిష్కారానికే ప్రజాపథం: ధర్మాన

హైదరాబాద్: ప్రజా సమస్యల పరిష్కారానికే ప్రజాపథం కార్యక్రమాన్ని చేపడుతున్నట్లు రాష్ట్ర రెవెన్యూ మంత్రి ధర్మాన ప్రసాద రావు చెప్పారు. ప్రజలు వేసవిలో అనేక సమస్యలు ఎదుర్కుంటారని, వాటిని పరిష్కరించి వారిలో ఆత్మవిశ్వాసం పెంచడానికి ప్రజా పథం ఉపయోగపడుతుందని ఆయన గురువారం మీడియా ప్రతినిధుల సమావేశంలో అన్నారు. ప్రజాపథాన్ని ప్రతిపక్షాలు రాజకీయం చేస్తే తాము వెనక్కి తగ్గేది లేదని ఆయన అన్నారు.

భూపంపిణీని ఇక ముందు రాజకీయం చేయవద్దని ఆయన వామపక్షాలకు సూచించారు. పేదలకు భూమి హక్కు, ఉపాధిని కల్పించేందుకే భూపంపిణీ కార్యక్రమం చేపట్టామని ఆయన అన్నారు. ప్రతిపక్షాల విమర్శలు ప్రజలను నిరుత్సాహ పరిచేలా ఉన్నాయని ఆయన అభిప్రాయపడ్డారు. ఈ నెల 17వ తేదీన ముఖ్యమంత్రి కె. రోశయ్య ప్రజాపథంపై వీడియో కాన్ఫరెన్స్ నిర్వహిస్తారని ఆయన చెప్పారు.