కడపలో ఎఆర్ ఎస్ ఐ ఆత్మహత్య

కడప: కడపలోని సిద్ధవటం ఏడో బెటాలియన్ కు చెందిన సాయుధ బలగాల ఎస్ఐ నాగభూషణం శుక్రవారం ఉదయం ఆత్మహత్య చేసుకున్నాడు. తన సర్వీస్ రివాల్వర్ తో కాల్చుకుని అతను ఆత్మహత్య చేసుకున్నాడు. కుటుంబ కలహాలే ఈ ఆత్మహత్యకు కారణమని అనుమానిస్తున్నారు. నాగభూషణం ఇటీవలే అనంతపురం నుంచి కడపకు బదిలీ అయ్యాడు.

భార్య చనిపోవడంతో నాగభూషణం ఆ మధ్య రెండో పెళ్లి చేసుకున్నాడు. అతనికి ఐదుగురు పిల్లలు ఉన్నారు. నాగభూషణం కర్నూలు జిల్లా ఆకుమళ్ల గ్రామానికి చెందినవాడు.