హైదరాబాదులో నకిలీ పోలీసుల అరెస్టు

హైదరాబాద్: హైదరాబాదులోని కూకట్ పల్లిలో పోలీసులు శనివారం నకిలీ పోలీసు ముఠా గుట్టు రట్టు చేశారు. ఈ ముఠాకు చెందిన ఇద్దరిని పోలీసులు అరెస్టు చేశారు. వారిద్దరిని బాలు, అనిల్ కుమార్ గా గుర్తించారు. వారి నుంచి 25 వేల రూపాయల నగదు, క్రెడిట్ కార్డులు స్వాధీనం చేసుకున్నారు.

ఐదుగురు సభ్యులతో కూడిన నకిలీ పోలీసు ముఠా పురుషులకు అమ్మాయిలను ఎర వేసి దోపిడీ చేస్తూ వస్తున్నట్లు గుర్తించారు. ఈ ఐదుగురిలో కృష్ణ, శ్రీనివాస్, మరో వ్యక్తి పరారీలో ఉన్నారు. వారి కోసం పోలీసులు గాలిస్తున్నారు. వీరు వివిధ పోలీసు స్టేషన్ల పరిధిలో దోపిడీలకు పాల్పడినట్లు సమాచారం.