కాశ్మీరీ యువతిని పెళ్ళాడనున్న శశి ధరూర్

న్యూఢిల్లీ: వివాదస్పద వ్యాఖ్యలతో ఎప్పుడూ వార్తల్లో ఉండే విదేశాంగ సహాయ మంత్రి శశి థరూర్‌ మరోసారి సంచలనానికి సిద్ధమవుతున్నారు. 54 ఏళ్ల ఈ మాజీ దౌత్యవేత్త కాశ్మీర్‌కు చెందిన బ్యుటీషియన్‌ సునందను పెళ్లాడనున్నట్లు వార్తలు వస్తున్నాయి. అయితే ఈ వార్తలపై వ్యాఖ్యానించేందుకు థరూర్‌ సన్నిహిత వర్గాలు నిరాకరించాయి.

దీనిపై ఆయనే స్వయంగా ప్రకటన చేస్తారని, ఆయన ఏకాంతానికి భంగం కలిగించవద్దని కోరారు. పెళ్లి చేసుకుంటానని ధరూరే ముందు సునందను అడిగారని మీడియా సమాచారం. కాశ్మీరీ కుటుంబానికి చెందిన సునంద సౌందర్య సంరక్షణ శాలను నడుపుతూ దుబాయ్‌లో నివసిస్తోంది. ఇప్పటికే థరూర్‌ రెండు పెళ్లిళ్లు చేసుకున్నారు.