• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

జయప్రదకు గాలం వేయం: చిరంజీవి

By Pratap
|

Chiranjeevi
తిరుపతి: సమాజ్ వాదీ బహిష్కృత పార్లమెంటు సభ్యురాలు, సినీ నటి జయప్రద తమ పార్టీలోకి వస్తే ఆహ్వానిస్తామని ప్రజారాజ్యం పార్టీ అధినేత చిరంజీవి చెప్పారు. తమ పార్టీలోకి వస్తే జయప్రదకు సముచిత స్థానం కల్పిస్తామని ఆయన మంగళవారం మీడియా ప్రతినిధుల సమావేశంలో చెప్పారు. అయితే తాము ఎవరికీ గాలం వేయబోమని చెప్పారు. వచ్చే మున్సిపల్ ఎన్నికల్లో తెలంగాణలోని అన్ని ప్రాంతాల్లో పోటీ చేయాలా, వద్దా అనే అంశంపై పార్టీలో చర్చించి నిర్ణయం తీసుకుంటామని ఆయన చెప్పారు. ధరల పెరుగుదలపై యుపిఎ ప్రభుత్వానికి వ్యతిరేకంగా తెలుగుదేశం చేపట్టే బంద్ లో ఆ పార్టీ ఆహ్వానిస్తే ఆలోచిస్తామని ఆయన చెప్పారు. పోలవరం ప్రాజెక్టుపై ప్రభుత్వం స్పందించకుంటే ఆందోళనలు చేపడుతామని ఆయన అన్నారు.

తెలంగాణ విషయంలో వేర్పాటువాదుల బలం తగ్గిందని, అందుకే కొత్త ఉద్యమాలు చేపడుతున్నారని ఆయన వ్యాఖ్యానించారు. రాష్ట్రం సమైక్యంగా ఉండాలని తాము శ్రీకృష్ణ కమిటీకి సమర్పించిన నివేదికలో చెప్పామని, రాష్ట్రంలోని ఎక్కువ మంది కలిసి ఉండాలనే కోరుకుంటున్నారని ఆయన అన్నారు. తెలుగుదేశం, కాంగ్రసు పార్టీలు శ్రీకృష్ణ కమిటీకి రెండేసి నివేదికలు సమర్పించడాన్ని ఆయన తప్పు పట్టారు. దీన్ని బట్టి ఆ పార్టీల చిత్తశుద్ధి ఏపాటిదో అర్థమైందని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X