రాష్ట్రంలో ప్రకృతి వికృత రూపం, వేడి గాలులు

విశాఖపట్నం: హైదరాబాద్ సహా రాష్ట్రంలో వేడిగాలుల ప్రభావం కొనసాగుతోంది. ఉపరితల ద్రోణి కారణంగా గరిష్ట ఉష్ణోగ్రతలు నమోదవుతున్నాయి. దీనికితోడు వాయవ్యభారతంనుంచి వస్తున్న గాలుల ప్రభావమూ వేడి తీవ్రతకు కారణమవుతోంది. ప్రత్యేకించి తెలంగాణా, కోస్తాంధ్ర జిల్లాల్లో ఈ ప్రభావం స్పష్టంగా కనిపిస్తోంది.

రాయలసీమ జిల్లాల్లో కూడా వేడిగాలులు తీవ్రంగా ఉన్నాయి. క్యుములోనింబస్‌ మేఘాలమూలంగా ఈదురుగాలులతో కూడిన వర్షం పడుతోంది. కొన్నిచోట్ల ఉరుములు, పిడుగులతో కూడిన వడగళ్ల వానలు పడే అవకాశం ఉందని వాతావరణ విభాగం తెలియజేస్తోంది.