బెంగళూరులో మరో బాంబు లభ్యం

బెంగళూరు: ప్రశాంత నగరంగా పేరున్న బెంగళూరులోని ఎంఎ చిన్నస్వామి మైదానంలో పేలుళ్లు సంభవించి 24 గంటలు గడవక ముందే బెంగళూరులోని మరో ప్రాంతంలో బాంబు బయటపడింది. సెంట్రల్‌ బెంగళూరులోని యమ్‌జీ రోడ్డులో ఒక విగ్రహం వద్ద ఆదివారం దీన్ని కనుగొన్నారు.

బాంబు నిర్వీర్య నిపుణులు దీన్ని పనిచేయకుండా చేసి, పరీక్షార్థం ఫోరెన్సిక్‌ ల్యాబ్‌కు పంపారు. చిన్నస్వామి స్టేడియం గేట్‌ నెంబర్‌ 12 వద్ద శనివారం సంభవించిన రెండు బాంబు పేలుళ్లలో నలుగురు పోలీసులతో సహా 15 మంది ప్రేక్షకులు గాయపడ్డారు.