మజ్లిస్ ఎమ్మెల్యే అఫ్సర్ ఖాన్ అరెస్టు

హైదరాబాద్‌: విధి నిర్వహణలో ఉన్న కానిస్టేబుల్‌పై దాడి చేసిన కేసులో ఎంఐఎం ఎమ్మెల్యే అఫ్సర్‌ఖాన్‌ను పోలీసులు అరెస్టు చేశారు. మెహదీపట్నంలో నిన్న సాయంత్రం ఓ గొడవకు సంబంధించి వివరాలు సేకరిస్తున్న సమయంలో కానిస్టేబుల్‌ శివప్రసాద్‌ పై ఎమ్మెల్యే అఫ్సర్‌ఖాన్‌ చేయి చేసుకున్నారు.

కానిస్టేబుల్‌ ఫిర్యాదు మేరకు ఎమ్మెల్యేతోపాటు మరో ఇద్దరిపై హుమాయున్‌ నగర్‌ పోలీసులు కేసు నమోదు చేశారు. ఈ ఉదయం ఆసిఫ్‌ నగర్‌ ఏసీపీ ఆధ్వర్యంలో పోలీసులు అఫ్సర్‌ ఖాన్‌ నివాసానికి వెళ్లి ఆయన్ను అరెస్టు చేశారు. ఈ సమయంలో అరెస్టుకు వ్యతిరేకంగా ఎమ్మెల్యే అనుచరులు నినాదాలు చేశారు.