• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

హైదరాబాద్ రాష్ట్రం అడుగుతాం: దానం

By Pratap
|

Danam Nagender
హైదరాబాద్: తాము రాష్ట్ర విభజనకు వ్యతిరేకమని హైదరాబాద్ కు చెందిన మంత్రులు దానం నాగేందర్, ముఖేష్ చెప్పారు. రాష్ట్ర విభజన అనివార్యమైతే గ్రేటర్ హైదరాబాద్ రాష్ట్రం కావాలని అడుగుతామని వారు సోమవారం మీడియా ప్రతినిధులతో అన్నారు. దీనిపై తాము శ్రీకృష్ణ కమిటీకి నివేదిక సమర్పిస్తామని వారు చెప్పారు. ఎప్పుడు సమర్పిస్తారని అడిగితే త్వరలో సమర్పిస్తామని ముఖేష్ చెప్పారు. గ్రేటర్ హైదరాబాద్ శాసనసభ్యులంతా సమవేశమైన నివేదిక రూపొందిస్తారని నాగేందర్ చెప్పారు.

కాగా, తెలుగుదేశం పార్టీ అధ్యక్షుడు నారా చంద్రబాబు నాయుడిపై నాగేందర్ తీవ్రంగా ధ్వజమెత్తారు. హైదరాబాద్ ఎమ్మెల్సీ స్థానానికి చంద్రబాబు అభ్యర్థిని ఎందుకు పోటీకి పెడుతున్నారో అర్థం కావడం లేదని ఆయన అన్నారు. బిసి అభ్యర్థిని పోటీకి దించి అతన్ని చంద్రబాబు బలి చేస్తున్నారని ఆయన వ్యాఖ్యానించారు. రంగారెడ్డి, హైదరాబాద్ కాంగ్రెసు ఎమ్మెల్సీ అభ్యర్థులను గెలిపించాలని ఆయన పార్టీ కార్యకర్తలకు విజ్ఝప్తి చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X