మనుశర్మకు జీవిత ఖైదు: సుప్రీం తీర్పు

న్యూఢిల్లీ: మోడల్ జస్సికాలాల్ హత్య కేసులో మను శర్మకు సుప్రీంకోర్టు జీవిత ఖైదు ఖరారు చేసింది. మనుశర్మకు జీవిత ఖైదు విధిస్తూ హైకోర్టు ఇచ్చిన తీర్పును సుప్రీంకోర్టు సోమవారం సమర్థించింది. హైకోర్టు తీర్పుపై మనుశర్మ దాఖలు చేసిన అపీల్ ను సుప్రీంకోర్టు తిరస్కరించింది. జెస్సికాలాల్ హత్య కేసు 11 ఏళ్లకు దీంతో ఒక కొలిక్కి వచ్చింది. మనుశర్మ హర్యానాకు చెందిన కాంగ్రెసు సీనియర్ నాయకుడు వినోద్ శర్మ కుమారుడు.

ఢిల్లీలోని బినా రమణికి చెందిన టామరిండ్ కోర్టు కేఫ్ రెస్టారెంట్ కేఫ్ లో జస్సికా లాల్ ను 1999 ఏప్రిల్ 29వ తేదీన కాల్చి చంపాడు. ట్రయల్ కోర్టు మనుశర్మను 2006 ఫిబ్రవరి 21వ తేదీన నిర్దోషిగా విడుదల చేసింది. కింది కోర్టు తీర్పును హైకోర్టు 2006 డిసెంబర్ 18వ తేదీన పక్కన పెట్టింది.