చంద్రబాబు బర్త్ డే సందడి

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు 60వ జన్మదినం సందర్బంగా ఆయన నివాసం వద్ద మంగళవారం పండుగ వాతావరణం చోటు చేసుకుంది. మంగళవారం ఉదయమే సినీ నటుడు బాలకృష్ణ సహా ఆయన కుటుంబ సభ్యులంతా వచ్చి చంద్రబాబుకు జన్మదిన శుభాకాంక్షలు తెలిపారు.

పార్టీ నాయకులు, కార్యకర్తలు చంద్రబాబుకు జన్మదిన శుభాకాంక్షలు తెలిపేందుకు పెద్ద యెత్తున బారులు తీరారు. చంద్రబాబు జన్మదినం సందర్బంగా రాష్ట్రవ్యాప్తంగా తెలుగుదేశం పార్టీ కార్యకర్తలు వివిధ సేవా కార్యక్రమాలు నిర్వహించారు. రక్త దాన శిబిరాలు నిర్వహించారు.