చంద్రబాబును అడ్డుకున్న తెలంగాణవాదులు

హైదరాబాద్: హైదరాబాదులోని కృషి ట్రస్టు వద్ద మంగళవారం తెలంగాణవాదులు తెలుగుదేశం పార్టీ అధ్యక్షుడు నారా చంద్రబాబు నాయుడును అడ్డుకున్నారు. కృషి ట్రస్టులోని వీధిబాలలతో గడపడానికి తన 60వ జన్మదినం సందర్భంగా వచ్చారు. ఈ సందర్భంగా తెలంగాణవాదులు ఆయనను అడ్డుకున్నారు. జై తెలంగాణ నినాదాలు చేశారు. ప్రతిగా తెలంగాణ కార్యకర్తలు నినాదాలు చేశారు. దీంతో అక్కడ స్వల్ప ఉద్రిక్తత నెలకొంది. ముందు జాగ్రత్తగా తెలంగాణ జెఎసి కార్యకర్తలను పోలీసులు అరెస్టు చేసినప్పటికీ అది తప్పలేదు.

కాగా, వీధి బాలలతో గడపడం తనకు కొత్త అనుభూతినిచ్చిందని చంద్రబాబు చెప్పారు. తన జీవితం ప్రజలకే అంకితమని, సమాజానికి తాను రుణపడి ఉంటానని ఆయన చెప్పారు. 43 మంది వీధిబాలలకు ఆయన పది వేల రూపాయల ఫిక్స్ డ్ డిపాజిట్ చేశారు. వారు జీవితంలో నిలదొక్కుకునే వరకు సాయం చేస్తామని ఆయన చెప్పారు.