విశాఖ జిల్లాలో మావోల విధ్వంసం

విశాఖపట్నం: విశాఖపట్నం జిల్లాలో మావోయిస్టులు బుధవారం తెల్లవారు జామున విధ్వంసానికి దిగారు. జికె వీధి మండలం లంకపాకల గ్రామంలో కాఫీ శుద్ధి విభాగాన్ని మావోయిస్టులు పేల్చేశారు. ఈ పేలుడులో భవనం ధ్వంసమైంది. దాదాపు పది లక్షల రూపాయల మేరకు ఆస్తి నష్టం సంభవించినట్లు సమాచారం. దాదాపు 50 మంది సాయుధ నక్సలైట్లు ఈ దాడిలో పాల్గొన్నట్లు సమాచారం.

కాగా, మాజీ మావోయిస్టు సీతక్కకు దేహశుద్ధి చేశారు. పోలీసు ఇన్ ఫార్మర్ గా వ్యవహరిస్తోందంటూ ఆమె మావోయిస్టులు దాడి చేశారు. అపస్మారక స్థితిలో పడిపోయిన ఆమెను ఆస్పత్రికి తరలించారు. గ్రీన్ హంట్ కు వ్యతిరేకంగా మావోయిస్టులు ఈ విధ్వంసాలకు దిగుతున్నారు. ఇదిలా వుంటే, మంగళవారం రాత్రి ఛత్తీస్ గఢ్ దంతెవాడ జిల్లాలో మావోయిస్టులు సిఆర్పీఎఫ్ క్యాంపుపై దాడి చేశారు.