సెక్స్ స్కామ్: స్వామి నిత్యానంద అరెస్టు

బెంగళూర్: పోలీసుల కళ్లు గప్పి సంచరిస్తున్న స్వామి నిత్యానంద ఎట్టకేలకు పోలీసుల చేతికి చిక్కాడు. తమిళ సినీ నటి రంజితతో లైంగిక కార్యకలాపాల్లో పాల్గొంటూ వీడియో చిక్కన విషయం వెలుగు చూసిన మరుక్షణం నుంచి అతను కనిపించడం లేదు. అతన్ని పోలీసులు బుధవారంనాడు హిమాచల్ ప్రదేశ్ లోని సోలన్ లో అరెస్టు చేశారు. కర్నాటక, హిమాచల్ ప్రదేశ్ పోలీసులు సంయుక్తంగా ఆపరేషన్ నిర్వహించి అతన్ని పట్టుకున్నారు.

స్వామి నిత్యానందను ఒకటి రెండు రోజుల్లో కర్నాటక రాజధాని బెంగళూరుకు తీసుకుని వచ్చే అవకాశాలున్నాయి. రంజితతో లైంగిక కార్యకలాపాలు నిర్వహిస్తున్న వీడియో దృశ్యాలను స్వామి నిత్యానంద శిష్యుడు లెనిన్ కురుప్పన్ బయట పెట్టాడు. బీదాడిలో ఆశ్రమాన్ని నడుపుతున్న నిత్యానందపై పలు కేసులు నమోదయ్యాయి. మోసం, రేప్, అసహజమైన లైంగిక కార్యకలాపాలు, మతపరమైన మనోభావాలు దెబ్బ తీయడం వంటి వాటి కింద బీదాడి పోలీసులు అతనిపై కేసులు నమోదు చేశారు.