సెక్స్ స్కామ్: స్వామి నిత్యానందపైకి చెప్పు

బెంగళూర్: తమిళ నటి రంజితతో రాసలీలలు నడిపిన స్వామి నిత్యానందపై గురువారం రాత్రి ఓ వ్యక్తి చెప్పులు విసిరాడు. రామనగరలోని కోర్టు పోలీసులు హాజరు పరిచి పోలీసులు వ్యాన్ లో ఎక్కిస్తుండగా ఓ వ్యక్తి అతనిపైకి చెప్పు విసిరాడు. గత రాత్రి 32 ఏళ్ల నిత్యానందను పోలీసులు మెజిస్ట్రేట్ ముందు హాజరు పరిచారు. నాలుగు రోజుల పాటు అతనికి రిమాండ్ విధించారు.

నిత్యానందను హాజరు పరిచే సమయంలో జ్యుడిష్యల్ మెజిస్ట్రేట్ పుష్పవతి ఇంటి వెలుపల 50, 60 మంది గుమిగూడారు. నిత్యానంద బయటకు వచ్చి పోలీసు వాహనంలో కూర్చోబోతుండగా గుంపులోంచి ఓ వ్యక్తి స్లిప్పరు విసిరాడు. నిత్యానందను, అతని అనుచరుడు నిత్య భక్తానందను పోలీసులు హిమాచల్ ప్రదేశ్ నుంచి బెంగళూర్ తీసుకొచ్చారు.