ఎన్టీఆర్ గార్డెన్స్ కు మరో శోభ రొటేటర్ టవర్

హైదరాబాద్‌: ఎన్టీఆర్ గార్డెన్స్ లో మరో ప్రత్యేక ఆకర్షణ వచ్చింది. ఎన్టీఆర్‌ గార్డెన్స్‌కు వచ్చే సందర్శకులకు నగరం కనిపించేలా ఎత్త్తెన రొటేటర్‌ టవర్‌ ఏర్పాటు చేశారు. కేవలం ఎగ్జిబిషన్లు జరిగే సమయంలో మాత్రమే అందుబాటులో ఉండే ఇలాంటి టవర్‌ ఇక ఎన్టీఆర్‌ గార్డెన్స్‌లో నిత్యం అందుబాటులో ఉంటుంది.

ఇందులో కూర్చుంటే ఒకటిన్నర నిమిషంలో దాదాపు 70 అడుగులకు ఎత్తుకు తీసుకు వెళుతుంది. 30 సెకెన్ల పాటు చుట్టూ తిరుగుతూ నగర అందాల్ని వీక్షించవచ్చు. మళ్లీ నిమిషమున్నరలో కిందకు చేరుకుంటుంది. ఒకసారి 32 మంది దీనిపై కూర్చొనేందుకు వీలుంటుంది. ఒకొక్కరి వద్ద రూ.25 చొప్పున తీసుకొంటారు. రెండు, మూడు రోజుల్లో దీనిని ప్రారంభిస్తారు.