అన్నను నరికి తమ్ముడి ఆత్మహత్య

నల్లగొండ: నల్లగొండ జిల్లాలో తక్షణావేశంతో ఓ వ్యక్తి తీవ్ర దారుణానికి పాల్పడ్డాడు. నల్లగొండ జిల్లా హుజూర్ నగర్ జిల్లా మర్రిగూడెం గ్రామంలో శ్రీను అనే యువకుడు తన అన్న జానికీరాంను గొడ్డలితో నరికాడు. తనపై కేసు పెడతారనే భయంతో ఆ తర్వాత శ్రీను ఆత్మహత్య చేసుకున్నాడు. శ్రీను తన బావి వద్దకు పరిగెత్తి ఉరి వేసుకుని మరణించాడు.

తీవ్రంగా గాయపడిన జానకీరాం ఆస్పత్రిలో చికిత్స పొందుతున్నాడు. అతని పరిస్థితి ఆందోళనకరంగా ఉంది. భూమి గట్టు విషయంలో అన్నాదమ్ముల మధ్య వివాదం చెలరేగింది. ఈ గొడవలో శ్రీను తన అన్న జానకీరాంను గొడ్డలితో నరికాడు. ఈ సంఘటన గ్రామంలో తీవ్ర సంచలనం సృష్టించింది.