అమితాబ్ కు లివర్ వ్యాధి సెరోసిస్

ముంబై: తాను చేయని తప్పునకు బిగ్ బి శిక్ష అనుభవిస్తున్నారు. అధికంగా మద్యం సేవించే వారికొచ్చే ప్రమాదకర కాలేయ వ్యాధి (లివర్‌ సెరోసిస్‌)తో అమితాబ్‌ బచ్చన్‌ బాధపడుతున్నారు. 1982లో 'కూలీ' చిత్రం షూటింగ్‌ సందర్భంగా జరిగిన ప్రమాదంలో అమితాబ్‌ తీవ్రంగా గాయపడ్డారు. చికిత్స సమయంలో గుర్తుతెలియని వ్యక్తి నుంచి సేకరించిన రక్తం శరీరంలోకి ఎక్కించడంవల్లే తాను ఈ వ్యాధిబారిన పడ్డట్లు తన బ్లాగ్‌ లో వెల్లడించారు. తాగుడుకు ఆమడ దూరంలో ఉన్నా మద్యం కారణంగావచ్చే వ్యాధి రావడంపై ఆశ్చర్యం వ్యక్తం చేశారు.

లివర్ సిరోసిస్ కు అత్యాధునిక చికిత్సలు అందుబాటులోకి వచ్చాయి. కాలేయ మార్పిడి కూడా సాధ్యమే. తాను చేయని తప్పునకు దాదాపు ముప్పై ఏళ్లపాటు అమితాబ్ ఈ వ్యాధితో బాధపడుతుండడం విచారకరం. అప్పుడప్పుడు ఆయనకు తీవ్రమైన కడుపునొప్పి రావడానికి ఈ వ్యాధే కారణం.