పోలవరం కోసం చిరంజీవి బస్సు యాత్ర?

హైదరాబాద్‌: పోలవరం ప్రాజెక్టు సాధన కోసం ఉద్యమించేందుకు ప్రజారాజ్యం అధినేత చిరంజీవి త్వరలో బస్సు యాత్ర నిర్వహించనున్నట్టు తెలిసింది. ఈ విషయమైన చిరంజీవి సారధ్యంలో పోలవరం ప్రాజెక్టు సాధన కమిటీ సమావేశమైంది. పార్టీ సీనియర్‌నాయకులు కోటగిరి విద్యాధరరావు, గంటాశ్రీనివాసరావులతో పాటు పలువురు సీనియర్‌ నాయకులు సమావేశంలో పాల్గొన్నారు.

పోలవరానికి జాతీయహోదా కోసం కేంద్రప్రభుత్వంపై ఏవిధంగా ఒత్తిడి తేవాలనే అంశంపై కూడా చర్చిస్తున్నారు. తెలంగాణలో తనకు వ్యతిరేక గాలులు వీస్తున్న నేపధ్యంలో కోస్తా ఆంధ్ర మీదనే దృష్టి సారించాలని చిరంజీవి అనుకుంటున్నట్టు తెలిసింది. అందులో భాగంగానే పోలవరం ప్రాజెక్టును భుజాన వేసుకోవడమని అంటున్నారు.