సినీ నటి జమున అల్లుడి అరెస్టు

హైదరాబాద్: సినీ నటి జమున అల్లుడు రాహుల్ రెడ్డిని పోలీసులు ఎట్టకేలకు అరెస్టు చేశారు. బుధవారం నగర నేర విభాగం (సిసిఎస్) పోలీసులు ఆయనను బుధవారం అరెస్టు చేశారు. వరకట్నం కోసం తన అత్తమామలు, భర్త వేధిస్తున్నారని జమున కూతురు స్రవంతి ఇటీవల సిసిఎస్ పోలీసులకు ఫిర్యాదు చేశారు. దీనిపై తీవ్ర వివాదం చెలరేగింది.

స్రవంతి ఫిర్యాదు మేరకు సిసిఎస్ పోలీసులు కేసును నమోదు చేసుకుని ఆమె అత్తామామలను అరెస్టు చేసి రిమాండ్ కు తరలించారు. అప్పటి నుంచి స్రవంతి భర్త రాహుల్ రెడ్డి పరారీలో ఉన్నాడు. ఎట్టకేలకు అదుపులోకి తీసుకుని పోలీసు స్టేషనుకు తరలించారు.