కెసిఆర్ కు ఆ స్థాయి లేదు: దానం

హైదరాబాద్: ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ పై తీవ్ర వ్యాఖ్యలు చేసిన తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై రాష్ట్ర ఆరోగ్య శాఖ మంత్రి దానం నాగేందర్ తీవ్రంగా ధ్వజమెత్తారు. డిఎస్ ను విమర్సించే నైతిక హక్కు గానీ స్థాయి గానీ కెసిఆర్ కు లేదని ఆయన గురువారం మీడియా ప్రతినిధులతో అన్నారు. తన ఉనికిని చాటుకునేందుకే కెసిఆర్ డిఎస్ పై విమర్శలు చేస్తున్నారని ఆయన వ్యాఖ్యానించారు.

తెలంగాణపై తమ కాంగ్రెసు పార్టీ వైఖరి స్పష్టంగా ఉందని ఆయన అన్నారు. డిసెంబర్ 9వ తేదీన కేంద్ర మంత్రి పి. చిదంబరం చేసిన ప్రకటన ద్వారా, జస్టిస్ శ్రీకృష్ణ కమిటీ ఏర్పాటు ద్వారా తమ పార్టీ వైఖరి వెల్లడవుతోందని ఆయన చెప్పారు. తెలంగాణ విషయంలో తామంతా తమ పార్టీ అధిష్టానం నిర్ణయానికి కట్టుబడి ఉంటామని ఆయన అన్నారు.