చిరుకు మరో దెబ్బ: బాబుతో కళా?

హైదరాబాద్: ప్రజారాజ్యం పార్టీ అధ్యక్షుడు చిరంజీవికి మరో దెబ్బ తగలబోతోంది. ప్రజారాజ్యం పార్టీ నాయకుడు కళా వెంకటరావు గురువారం తెలుగుదేశం పార్టీ అధ్యక్షుడు నారా చంద్రబాబు నాయుడిని కలిశారు. తెలుగుదేశం పార్టీలో చేరడానికే కళా వెంకటరావు చంద్రబాబును కలిసినట్లు భావిస్తున్నారు. ప్రజారాజ్యం పార్టీలోకి ఎన్నికలకు ముందు వచ్చిన తెలుగుదేశం పార్టీ నాయకులు తిరిగి సొంత గూటికి చేరుకునే ప్రయత్నంలో ఉన్నట్లు చాలా కాలంగా వార్తలు వస్తున్నాయి.

చిరంజీవి ప్రజారాజ్యం పార్టీని స్థాపించిన తర్వాత తెలుగుదేశం పార్టీని వీడి ఆ పార్టీలో చేరారు. తెలుగుదేశం నాయకుడు కె. ఎర్రంనాయుడు వైఖరి నచ్చక ఆయన ఆ పార్టీ నుంచి బయటకు వచ్చినట్లు అప్పట్లో వార్తలు వచ్చాయి. అయితే ప్రజారాజ్యం ఆశించిన స్థాయిలో ఫలితాలు సాధించకపోవడం, తిరిగి బలపడుతుందనే నమ్మకం లేకపోవడం కళా వెంకటరావును పునరాలోచనలో పడేసినట్లు చెబుతున్నారు.