• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

హైదరాబాద్ కు వందశాతం రక్షణ: ఖాన్

By Pratap
|

AK Khan
హైదరాబాద్: ఉగ్రవాద ముప్పు నేపథ్యంలో హైదరాబాదుకు వంద శాతం రక్షణ కల్పిస్తామని నగర పోలీసు కమిషనర్ ఎకె ఖాన్ భరోసా ఇచ్చారు. ఉగ్రవాద ముప్పు నేపథ్యంలో హైదరాబాదు పోలీసులు అప్రమత్తమయ్యారు. ప్రజలు భయపడాల్సిన అవసరం లేదని ఖాన్ గురువారం మీడియా ప్రతినిధులతో అన్నారు. ఆయన ఉదయం హైదరాబాదులోని గోషామహల్ స్టేడియంలో హైదరాబాదు పోలీసు అధికారులతో సమావేశమయ్యారు. ఎఎస్ ఐ స్థాయి నుంచి డిసిపి స్థాయి వరకు అందరు అధికారులు ఈ సమావేశానికి హాజరయ్యారు. ఆ తర్వాత ఆయన ముఖ్యమంత్రి కె. రోశయ్యను కలిసి ఒక నివేదికను అందజేశారు.

హైదరాబాదులోని ప్రధానమైన భవనాలు, వాణిజ్య సంస్థలు, సినిమా హాళ్లు పూర్తి భద్రతా చర్యలు పాటించేలా చర్యలు తీసుకోవాలని ఆయన సూచించారు. మాల్స్ పోలీసుల సూచనలు పాటించాలని ఆయన ఆదేశించారు. 18 నుంచి 30 ఏళ్ల మధ్య వయస్సు గల అనుమానిత యువకులపై ప్రత్యేక దృష్టి పెట్టాలని ఆయన పోలీసులకు సూచించారు. హైదరాబాదులోని తనిఖీలు పెంచాలని ఆయన పోలీసు అధికారులకు సూచించారు. ఇటీవల హైదరాబాదులో మత ఘర్షణలు చెలరేగిన నేపథ్యంలో ఉగ్రవాద ముప్పును నివారించేందుకు ప్రభుత్వం ఖాన్ కు పూర్తి అధికారాలు ఇచ్చింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X