నాకు మగతనం లేదు: నిత్యానంద

బెంగళూరు: తనకు మగతనం లేదని, కాబట్టి తమిళ నటి రంజితతో రాసలీలల్లో పాల్గొనడం అసత్యమని స్వామి నిత్యానంద కర్ణాటక సీఐడీ పోలీసుల విచారణలో తెలిపినట్లు సమాచారం. దీంతో పోలీసులు లైంగిక వైద్య నిపుణులతో నిత్యానందకు పరీక్షలు నిర్వహించాలని అనుకున్నారు. హైదరాబాద్‌ ఫోరెన్సిక్‌ ల్యాబ్‌ నుంచి వచ్చిన ప్రాథమిక నివేదికలో సీడీలు అసలువేనని తేలడంతో వైద్య పరీక్షలను తాత్కాలికంగా నిలిపివేశారు. విచారణలో రంజిత ఎవరో తనకు తెలియదని నిత్యానంద చెప్పినట్లు సమాచారం.

నిత్యానంద ఆస్తుల విలువ రూ.32 కోట్లకు పైగా ఉన్నట్లు సీఐడీ ఆర్థిక విభాగం అధికారులు లెక్కించినట్లు తెలుస్తోంది. దేశ విదేశాలకు చెందిన పది బ్యాంకుల్లో ఆయన పేరుపై ఖాతాలు ఉన్నట్లు గుర్తించారు. కాగా, నిత్యానంద బెయిల్‌ పిటిషన్‌ విచారణ మే 3కు వాయిదాపడింది. రామనగర జిల్లా సెషన్స్‌ న్యాయస్థానం ఈ పిటిషన్‌ను విచారించింది.

నిత్యానందతో పాటు రాసలీలల సీడీలో కనిపించిన సినీనటి రంజిత దర్యాప్తునకు సహకరిస్తున్నట్లు సీఐడీ పోలీసులు తెలిపారు. బుధవారం రాత్రి ఆమె నగరానికి వచ్చారు. సీఐడీ అధికారులను సంప్రదించగా ఆమెను రహస్య ప్రాంతానికి తరలించి విచారణ జరుపుతున్నట్లు తెలిసింది.