చిరంజీవి వెంటే ఉంటా: రామచంద్రయ్య

హైదరాబాద్: తాను చిరంజీవి వెంటే ఉంటానని ప్రజారాజ్యం పార్టీ నాయకుడు సి. రామచంద్రయ్య స్పష్టం చేశారు. తాను ప్రజారాజ్యం పార్టీని వీడనున్నట్లు వచ్చిన వార్తలను ఆయన శనివారం మీడియా ప్రతినిధుల సమావేశంలో ఖండించారు. తాను పార్టీని వీడుతున్నట్లు వచ్చిన వార్తలన్నీ వదంతులేనని ఆయన అన్నారు. సామాజిక న్యాయంపై నమ్మకం లేనివారే పార్టీ నుంచి వెళ్లిపోతున్నారని ఆయన వ్యాఖ్యానించారు.

ఎన్నికలకు ముందు ప్రజారాజ్యం పార్టీలో చేరిన కిమిడి కళా వెంకటరావు తదితరులు తీవ్ర అసంతృప్తితో ఉన్నట్లు వార్తలు వచ్చాయి. కమిడి కళా వెంకటరావు ఇప్పటికే తెలుగుదేశం పార్టీ అధ్యక్షుడు నారా చంద్రబాబు నాయుడిని కలిసి ఆ పార్టీలో చేరేందుకు సిద్ధపడినట్లు వార్తలు వచ్చాయి. అదే దారిలో మాజీ మంత్రి కొత్తపల్లి సుబ్బారాయుడు కూడా నడవనున్నట్లు ప్రచారం సాగుతోంది.