రోడ్డు ప్రమాదంలో మనోరమకు గాయాలు

తిరుపతి: తిరుమల శ్రీవారి దర్శనానికి వచ్చిన సినీ నటి మనోరమ రోడ్డు ప్రమాదంలో గాయపడ్డారు. స్వల్ప గాయాలతో ఆమె ప్రాణాపాయం నుంచి తప్పించుకున్నారు. ఆమె ప్రయాణిస్తున్న కారు అదుపు తప్పి బోల్తా పడింది. దాంతో ప్రమాదం సంభవించింది. తిరుమల శ్రీవారిని దర్శించుకుని చెన్నె తిరిగి వెళ్తుండగా ఆమె ప్రమాదానికి గురైంది.

శ్రీవారి దర్శనానికి ఆమె శుక్రవారం తిరుమల వచ్చారు. గతంలో జరిగిన ప్రమాదం నుంచి బయటపడితే తిరుమల వస్తానని మొక్కుకుంది. ఆ మొక్కు తీర్చుకోవడానికి ఆమె తిరుమల వచ్చారు. అయితే, తిరుమలలో తిరుమల తిరుపతి దేవస్థానం (టిటిడి) సిబ్బంది నుంచి ఆమె ఛీత్కారాన్ని ఎదుర్కున్నారు. వసతి సౌకర్యం కల్పించాలని అడిగితే తిరస్కరించారు.